首爾追楓記（十八）：萬人空巷觀賞首爾燈節

＊行程最後一晚，剛好遇上第六屆首爾燈節開鑼。

＊清溪廣場的頭一段，展示的燈飾最為壯觀。

＊閃閃生輝的許願樹。

＊美國自由神像。

＊中國成都熊貓。

＊卡通人物。

追鴨兼購物完畢，繼續行桯，今次適逢其會，居然剛好趕上第 6 屆首爾燈節亮燈，點燈時間為下午 5 點至晚間 11 點，可以免費參觀。

今年的主題為「首爾的璀璨世界遺產」，以首爾最具代表性的 UNESCO 世界文化遺產昌德宮仁政殿、宗廟祭禮樂等作為主題花燈，並有現代燈光藝術作家展、地方政府與海外特邀花燈、企業贊助與卡通人物花燈等齊聚一處，照亮左整條清溪川。

我地先到明洞晚飯，然後經過乙支路四號地鐵站再向清溪廣場方向前進，離遠已經人潮洶湧，而且沿清溪川向下望，已見唔少大型燈飾好搶眼。不過，糾察唔俾人隨便落清溪川，一定要到達清溪廣場入口才放行，經過萬人蛇餅陣，大約大半小時，終於落到清溪川，可以慢慢欣賞大型燈飾。

我覺得清溪廣場開始的一段最壯觀，好似昌德宮仁政殿、放鷹、宗廟祭禮樂等，充滿韓國傳統色彩，而且燈飾好巨型，令人甚為嘆為觀止。另外，其他國家特色花燈如自由神像、成都熊貓也不俗，至於企業贊助與卡通人物花燈則顯得有少少遜色！

我地由清溪廣場一段，一直走到乙支路 3 街附近，才由清溪川返回地面，欣賞完整個燈節。坦白講，生平第一次觀賞咁大盞的花燈，數量又多，就算再多人也值得一遊。

第 6 屆首爾燈節
活動期間：2014年11月7日至23日
點燈時間： 17:00至23:00
舉行範圍：清溪廣場與清溪川一帶（1.2公里區間，清溪廣場至水標橋）
清溪廣場前往方法：
1 號線鐘閣站 4、5 號出口（徒步3分鐘）
2 號線乙支路入口站 2、3 號出口（徒步5分鐘）

首爾冬遊記（十九）：光化門廣場上演江南Style

 ＊清溪廣場地標－－海螺形雕塑。

 ＊清溪川的小瀑布。

 ＊下雨天，好少遊人，只聞淙淙的溪水聲，好寧靜。

 ＊溪水清澈見底。

＊向光化門廣場進發，打頭陣的是李舜臣將軍銅像。

可惜，天公不造美，細雨紛飛加天色昏暗，影出來的相片唔多靚。

＊一大班警察？！唔通有示威？

  

＊原來廣場有一個名為Special Olympics FINAL LEG（唔知係乜東東？！）

的慶祝活動，一大班韓國人同外國人手舞足蹈，齊齊跳緊江南Style！

 ＊難為坐在後面的世宗大王，被呢班嘩鬼嘈鬼死！

＊最後就係光化門廣場啦！好多遊人在門外爭住同守門將影相！

嘆完一個人的早餐後，在海螺雕塑側落行清溪川！果然，這一段的清溪川比東大門那段更美麗，有小型瀑布，溪水清澈見底，遊人唔多，寧靜得只聞淙淙的溪水聲；可惜天公不造美，細雨紛飛加天色昏暗，影出來的相片黑沉沉的，略欠美中不足！

行左一小段清溪川後，原路折返，改往光化門廣場去。打頭陣見到的係李舜臣將軍（朝鮮時代的日本侵略戰爭爆發時，打敗日本立了大功的名將。）的銅像。跟住見到一大班警察，嚴陣以待，唔通又有人示威？原來廣場有一個名為Special Olympics FINAL LEG（唔知係乜東東？！）的慶祝活動，一大班韓國人同外國人手舞足蹈，齊齊跳緊江南Style，強勁的音樂，令暮氣沉沉的廣場充滿歡樂，氣氛好熱鬧，我都忍唔住擒高去睇睇。難為坐在背後的世宗大王（朝鮮王朝第四代王）被呢班嘩鬼嘈死左！

經過世宗大王的銅像後，最後便是光化門（朝鮮時代的宮殿）了。門外擠滿左唔少遊人，都係為左同守門將影相，我就興趣不大，睇左陣便坐地鐵返酒店，預備check out啦！

清溪川和光化門廣場前往方法：
地鐵光化門站出（建議先在5號出口到清溪廣場地標海螺形雕塑拍照，再落清溪川逛逛。逛完再遊光化門廣場也不錯。）