清邁自由行（三）：Dom Café超級無敵西瓜冰

＊西瓜冰的賣相好可愛，但太大份量兼且偏甜。

＊超級大壺冰桃茶，好好飲，足夠兩個人飲用。

＊冬蔭功鮮蝦意粉辣得好惹味。

＊餐廳一角。

＊餐廳以甜點聞名，多款精緻蛋糕好吸引。

＊餐廳就在Think Park大黑貓旁，好易搵。

清邁另一間人氣餐廳Dom Cafe位於尼曼區Think Park文創廣場旁，樓高三層，以甜點聞名，提供多樣主食、甜品及飲料，著名的有超級大大個西瓜冰。我們慕名而至，除點左西瓜冰之外，仲加點桃茶和冬蔭功鮮蝦湯意粉。

冬蔭功鮮蝦湯意粉辣得來好惹味，鮮蝦亦肉質煙韌，好味道。至於傳說的西瓜冰，大大個西瓜肉造型賣相的確可愛，難怪網上熱議。可惜份量實在太大，而且較甜，食極都食唔晒，挖下去仲發現原來有雜果和類似蒟蒻的物體，最後都難以消滅整個刨冰。再到朋友的桃茶，更是大得驚人，我們懷疑有超過一公升以上的份量，甜度適中，解渴消暑，同樣因為太多而難以消滅。下次再來，我們只會點一壺桃茶兩人分來飲，西瓜冰就怕怕了。

Dom Cafe

地址：165 Huaykaew Rd, Tambon Su Thep, Amphoe Mueang Chiang Mai, Chang Wat Chiang Mai 50200泰國

營業時間：08:30–20:30

電話： +66 53 215 250