＊Bell Tower
＊Crawley Edge Boatshed （藍色船屋Blue Boat House）
＊London Court購物街
＊Kings Park是柏斯著名的公園及植物園
＊公園設有戰爭紀念碑和永不熄滅的火炬
＊Watertown Brand Outlet Centre
＊Northbridge的Museum Street是Perth Campus所在地，有不少藝術建築和戶外裝置。
＊Northbridge的大型街頭壁畫。
＊Crown Hotel內Carvers餐廳的自助餐食物種類不大，
蔬菜沙律佔主要，肉類則有豬和牛選擇。
＊Crown Hotel內的自助餐還有甜品和各式汽水和咖啡。
＊Perth Mint鑄幣局
柏斯市中心範圍不大，景點也不太多，若認真緊湊地遊玩的話，三個全日都可以玩完。我們有四天逗留在市內，主要遊玩過的景點包括：
柏斯著名地標Bell Tower
晨早到達柏斯，放低行李後，就走到Barrack St.碼頭附近的Bell Tower（天鵝鐘塔）。鐘塔就在市中心的天鵝河畔，係柏斯著名地標之一，左右翼猶如一雙天鵝翅膀，造型獨特，晚上仲會照射出不同顏色的燈光。登塔要俾門票（18澳元），我地就只在外面四圍影相留念。
前往方法：從市中走去鐘塔大概15分鐘，如果不喜歡走路可搭乘免費的市區遊覽公車Blue Cat的Barrack Square下車
郊遊好去處Kings Park
Kings Park係柏斯著名的公園及植物園，佔地極廣，風景遼闊優美，可以遠眺柏斯市中心和天鵝河畔，是郊遊的好去處。公園內的植物以西澳本土的樹木和灌木林地為主，很有本土色彩。另外，公園還設有戰爭紀念碑和永不熄滅的火炬，以紀念在戰爭中犧牲的戰士。
前往方法：在市中心乘搭935號巴士直達（由於仍在Free Transit Zone內，所以免費）或坐Green Cat的Havelock Street站下車
浪漫藍色船屋Blue Boat House
Crawley Edge Boatshed （或稱Blue Boat House ）距離市中心大約十幾分鐘車程，是一間位於河岸大馬路旁邊的藍色小屋，有一條幼長的木棧道通過小屋，不過小屋並不開放。佢之所以出名，全因為台灣藝人徐若瑄曾在此拍攝婚紗。由於走訪當日下落著微微細雨，遊人唔算多，唔使點等都可以任影唔嬲，而且另有一番淒美感覺。
前往方法：在市中心或Elizabeth Quay Bus Station乘搭950號巴士，在Mounts Bay Rd Before Wingfield Av （Stop No: 23000）下車，車費4.7澳元（2小時內有效，換句話說，影完相，夠晒時間坐免費巴士回市中心）
柏斯唐人街：Northbridge
柏斯的唐人街位於北橋（Northbridge），呢度有唔少餐廳、酒吧、凍肉店、超市，入夜之後甚至有酒吧一條街。不過，我地走勻整個北橋區，居然搵唔到唐人街必有的牌坊，反而無意走到充滿藝街氣息的Perth Campus，而且發現唔少巨型壁畫，絕對是一大驚喜。最後我地揀左馬來餐廳PapaRich嘆完個晚餐，先慢慢走回市中心。
前往方法：坐藍貓巴士在Northbridge or James Street下車，便是北橋唐人街所在地
Perth Mint鑄幣局
純粹因為坐紅貓巴士經過，反正順路就落車入去看看。據官網資料顯示，可以觀賞全球最大的錢幣、參觀全澳洲最耀眼的天然金塊展、親眼目睹熔化的黃金澆鑄成金塊、親手試提價值50萬澳元以上的金條等，不過，入場門票要19澳元，就太貴啦，所以我地只在門外影影相，逛兩逛，就再坐貓巴士返回市中心。
前往方法：坐紅貓巴士在Perth Mint站下車
London Court購物街
London Court建於1937，建築充滿英國維多利亞時期的色彩，是柏斯市區最具特色建築之一，其實裡面係一條極短的購物街，售賣紀念品、香水珠寶，亦有一間餐廳，不過實在無多大吸引力，逛逛便離開。
前往方法：藍貓巴士搭到第3站下車
Watertown Brand Outlet Centre
Watertown是柏斯著名亦係唯一一間的Outlet，佔地都算大，樓高有兩層，除運動用品店外，仲有澳洲品牌時裝店如Cotton On，亦有家品和嬰兒用品店，折扣都算高，只不過計落又唔係比香港便宜太多，相比墨爾本的Outlet亦唔夠吸引，我都係因為天氣轉涼，買左件Champion衛衣衫（原價50澳元，特價20澳元）。
前往方法：坐黃貓巴士在Sutherland Street站下車
Crown Hotel嘆超值60蚊自助餐
去Crown Hotel，純粹因為好多網友推薦有抵食自助餐，加上柏斯市內實在唔多地方逛遊，又加上落雨，於是就坐免費穿梭巴士去酒店。去到酒店，記得先在大堂登記做會員，便有一張Rewards卡，內有3澳元儲值，想去賭場玩兩手就可以入錢增值慢慢玩，然後便可以用10澳元獲取一套Fun Pack，內有穿梭巴士乘車證、賭場搞珠遊戲券同埋Carvers餐廳的自助餐券。我地先玩完搞珠遊戲（可惜只仲一個號碼，無獎金），然後就去餐廳食個自助餐，食物種類主要以蔬菜沙律為主，肉類有豬和牛，甜品、雪糕、飲品、湯等雖然選擇唔多，都一應俱全，味道普通，不過以10澳元（60港元）來計，實在講得上超值。
提提大家，賭場唔使帶大手袋或背包，若要進入賭場或場內的Carvers餐廳，就要落地庫俾錢租儲物櫃存放，最細的儲物櫃5澳元，足夠我同朋友放兩個背包。
前往方法：在Elizabeth Quay Bus Station地下C6 Stand有穿梭巴士直達酒店（發車時間須留意酒店官網）
沒有留言:
張貼留言